اسئله ترفع الضغط،،،،،،،،،،،

اسئله ترفع الضغط من كثر غباء هذي الاسئله ودك تكفخ
الي يقولها لك
مثلا : -
انت الحين بغرفتك منسدح بفراشك ومطفي الليت (النور) فجأه يدخل عليك
اخوك\\اختك ويفتح الباب ويقولك بتنام ؟!! ( لا برقص - اكيد بنام !!)
---------
انت لابس وكاشخ وقاعد تمشي بالبيت متجه للباب .. فجأه يشوفك واحد من اهلك
ويصرخ عليك ويقول بصوت عالي :- (هااا بتطلع !! (لا بجرب الباب زين ولا لا
الصراحه سؤال خطير !!
----------
انت قاعد بغرفتك وماسك الكتاب قاعد تدرس .. يدخل عليك واحد من اهلك يقولك::
(هاا قاعد تدرس !! (لا افرش اسناني !! يعني ماسك الكتاب شسوي اكيد ادرس
-----------
انت الحين بالكافيه صدفه شفت واحد من الربع او الاهل ... قالك هاا شتسوي هني !!
(ابيع بنك) !! لا تعليق
--------------------
لا وتعالو شوفو قنواتنا العجيبه اهما واسئلتهم !!
مثلا بالعيد بيقابلون واحد من الناس شوفو الحوار :-
المذيع :- مرحبا عرفنا على أسمك ؟
المواطن :- فلان الفلاني . .. . . .
المذيع :- شنو تقول لأهلك بالعيد ؟ ! ! !
المواطن :- أقولهم كل عام وأنتم بخير . .
(( لا منه المال ومنها العيال))
يعني السؤال تحفه والمذيع ومعد البرنامج اتحف على هالسؤال
------------------------
والأسخف من هالبديهيات اللي تضيع وقتنا إذا قابلو الاطفال
يقول المذيع للطفل :- أنت تحب ماما وبابا ! ! !
(( لا احبك)) سؤال غبي الصراحه !!
----------------
برنامج مسابقات على الهوا :-
المتصل :- الوو السلام عليكم
المذيع :- وعليكم السلام هلا وغلا
المتصل:- ممكن اشارك
(يعني انت داق علشان تشارك ليش تستأذن !! من زوود الذرابه)
--------------------

يعني اسئله غبيه مثل هالاسئله ماشفت

اساله رفعت ضغطي وقلت وش حيثكم انتم مايرتفع ضغطكم؟؟ وجبتها لكم<<الله من الشطانه خخخخخخخخخخخخخخخ

لا وتعالو شوفو قنواتنا العجيبه اهما واسئلتهم !!
مثلا بالعيد بيقابلون واحد من الناس شوفو الحوار :-
المذيع :- مرحبا عرفنا على أسمك ؟
المواطن :- فلان الفلاني . .. . . .
المذيع :- شنو تقول لأهلك بالعيد ؟ ! ! !
المواطن :- أقولهم كل عام وأنتم بخير . .
(( لا منه المال ومنها العيال))
يعني السؤال تحفه والمذيع ومعد البرنامج اتحف على هالسؤال

<<< وي وي والله رهيب

اووما اسأله من جد غبي

والاغبى اللي يرد عليها هع هع lol!

يسلموو ع الموضع المضحكـ

{ شموخ }

إيه صدق ليه كذا ههههههههههههههههه>>تضحك من رفعة الضغط

زي مره أخوي الصغير دخل بالغرفه وأنا نايمه ورقى فوق السرير ويصارخ ويناقز القلب السالي القلب السالي نمتي؟؟

لعنبو ابليسك من أمس نايمه تقولي نمتي؟؟

صراحه هذا اغبى سؤال يرفع ضغطي

لالالا بعد فيه سؤال ثاني يرفع ضغطي بالجامعه معظم الدكاتره حافظين أسمي ومبلشينن عنده يافلانه روحي يافلانه هاتي وفجأه بيوم من الأيام يقولون لي أسمك إيه؟؟

يسلمووو السفير على الموضوع اسئله ترفع الضغط،،،،،،،،،،، 66068