ياشــينهـا لاصــرت معـجب وخجــلان

قصيدهـ رائعهـ .. لاأعلم من هو شــاعرها ..
لكن ,, لروعتها وابداع كلماتها ومعانيها .. حبيت انكم تشاركوني وتستمتعون بقراءتها ..
واتمني ان تنال اعجابكم ..

اليكم القصيده ::

ياشينها لا صرت معجب و ( خجـلان )
خـوف المصـارح لا يجيـب المطمّـه

اخاف اصارح بالغـلا ذاك الإنسـان
و ينقلـب جـوو المصـارح مذمّـه

ويا شينها لا صرت مغرم و زعلان
محد ٍ يراضـي قلبـك و محـد يمّـه

وان رحت محد ٍ قال لك: (وين يافلان)؟
روحتك مـع جيّتـك .. ماهـي مهمّـه

ويا شينها لا صرت عايـش بحرمـان
مثـل اليتيـم اللـي فقـد شوفـة أمّـه

ماخوذ حقّـه وانظلـم شـوف الأعيـان
واللي اظلموه عيـال لحمـه و دمّـه

ويا شين صاحب دربك ان صار ثعبان
لا هو تركـك و لا نفـث فيـك سمّـه

كنّـا خـويّـا وانتسـمّـى بـالأخـوان
واليـوم أسمـه بأخبـث النـاس سمّـه

ويا شينها لا صـرت ناجـح و ندمـان
وصلت قمّه وغيرك بأعلى قمّـه

مثـل الإمـام ..العالـم بفقْـه الأديـان
يومه نجح .. والكل صـاروا أأمّـه

ويا شينهـا لا صـرت تايـه وحيـران
وسط الطريق .. و باقي ٍ فيك همّـه

ودّك ترووح .. وآخر الدرب مـا بـان
تخاف تمشي .. ثـم تغشـاك غمّـه

ويا شينهـا لا صـرت مبلـي ومنهـان
والعلـم كلّـه .. مـن اكاذيـب نـمّـه

مـا فيـه ضـدّك لا دلايـل وبرهـاان
ودخّـان نـارك مستحـيـل ٍ تشـمّـه

ويا شينها لا صرت من روس الاعيـان
ثم تنقلـب فـي نظـرة النـاس رمّـه

ويلااااه يا وقت ٍ نـوى لـي بعصيـااان
أثر الزمـن يـا نـاس مـا فيـه ذمّـه

ويا شين طرد المقفْي لو كنـت ولهـان
ياخـذه شيطـان الـغـرور و يخـمّـه

يظـن انّـك هايـم ٍ بــه وشفـقـااان
ما يدري انّه لو فطـس ... مـا تهمّـه

ومااشين من معاشـر قليليـن الإيمـان
درب الهداية .. لا .. أبد ... مـا تتمّـه

الخلْق سجـن وصاحبـك فيـه سجّـان
والعلم خال العز .... والجود عمّـه

ويا شينها .. أصلا بقى شي ما شان ..؟
هـذي الليـالـي طبعـهـا مدلهـمّـه

الشيـن والله شيـن غاليـن الأثـمـاان
لا قـام كـل ٍ رافـع ٍ فــوق فـمّـه

( ويا زينها ) لا صرت لاهي و طربان
وحبـل القصايـد يرتجيـك و تلـمّـه

يا ليل دانه .. ليل دانـه .. لا لا .. دان
ما فيـه ثـوب ٍ يستـر أطـراف كمّـه

ويا زينها لا صرت معجـب و خرمـان
تنثـر علومـك لـو تجيـب المطـمّـه

وســلامتكم ,,

,. دمتم بووود .,

وعليكم السلام ورحمه الله وبركاته

الصراحه كلمات بجد رائعه طالعه من الصميم الشاعر

واعجبني هذا البيت

ويا شين صاحب دربك ان صار ثعبان
لا هو تركـك و لا نفـث فيـك سمّـه ياشــينهـا لاصــرت معـجب وخجــلان 30021

مشكور اخوي على الموضوع تقبل مروري

السنيـsweetـــوره